Бүтээцийн баг нь пуужингийн их биеийг загварчилж, Carbon fiber нийлмэл материалаар бүтээх, сэрвээ, урд хошуу, хөдөлгүүр тогтоох цагираг, холбогч хоолой зэргийн эзэлхүүний зохистой харьцааг тооцоолон загварчилж, пуужинг нисэх үеийн агаарын эсэргүүцэл хамгийн бага байх загварын дагуу бүтээсэн. Ийм төрлийн их биеийн хийцлэл нь механик бат бөх чанар сайтай байхаас гадна хөнгөн байна.

Их чадлын K ангиллын хөдөлгүүрийг бүтээхдээ ашиглаж буй түлшний химийн найрлагад харгалзах импульсийг гаргаж чаддаг байхаар загварчилж, хөдөлгүүрийн бүрэлдэхүүн хэсгүүдийг хөдөлгүүр ажиллаж байх үеийн даралт температурыг тэсвэрлэдэг байхаар бүтээнэ.

Recovery system буюу зөөлөн газардуулах систем нь пуужинд байрлах электроникийн жижиг хавтан, тэсрэх нунтаг, цахилгаан асаагч, шүхэр болон галд тэсвэртэй хучлаг зэргээс бүрдэнэ. Даралтын мэдрэгчээр пуужинг өндөрт гарсан үед автоматаар шүхэр задалж пуужин зөөлөн газардана.

Калийн-Нитрат болон Сорбитол суурьтай химийн хатуу түлшийг ашиглан 60мм-ийн диаметр бүхий хөдөлгүүрээр тодорхой импульс үзүүлэн 3200 орчим метр өндөрт гарах чадалтай түлшийг бүтээх бүхий л үйл явцыг хамарна.

Хөдөлгүүрийн статик тест хийх нь хөдөлгүүрийг компьютер загварчлалын дагуу найдвартай ажиллаж байгааг дан ганц хэмжихгүй бөгөөд тестний хөдөлгүүрийн хүч хэмжих төхөөрөмжөөр хөдөлгүүрийн шатах үеийн нийт импульсийг хэмжин авч онолын тооцоололтой харьцуулж болох өгөгдлийг цуглуулах зорилготой

Пуужингийн хөөрөх үеийн дүрсийг цуглуулах зорилготой масс болон овор хэмжээ багатай камерийг суурьлуулж өгсөн.